Ben Yedder e pranon publikisht madhështinë e Messit: Na mundi një futbollist nga një planet tjetër

Ben Yedder e pranon publikisht madhështinë e Messit: Na mundi një futbollist nga një planet tjetër

Disa statistika për derbin Milan-Juventus

Barcelona ka arritur ta përmbysë dy herë rezultatin ndaj Sevillas dhe në fund t’i marrë tri pikët.

Katalunasit ishin duke pësuar humbje 1-0 dhe 2-1, por kur ke në skuadër një lojtar si Lionel Messi, atëherë nuk duhet të kesh frikë nga humbja.

Messi arriti të shënoj het-trick në këtë sfidë për t’i dhënë Barcelonës fitoren me rezultat 4-2.

Ylli argjentinas ka bërë paraqitje të jashtëzakonshme ndaj Sevillës dhe për këtë është në dijeni edhe sulmuesi i bardh e kuqve Wissam Ben Yedder.

Sulmuesi francez pas ndeshjes ka bërë një postim mjaftë interesant në profilin e tij në Instagram.

28-vjeçari ka shkruar se skuadra e tij është mposhtur nga një lojtar i një planeti tjetër.

“Në këtë botë, ne do ta kishim fituar këtë lojë… por ka një lojtar nga një planet tjetër që deshi ndryshe. Krenar për ekipin, kurrë nuk heqim dorë. Përpara Sevilla”, ka shkruar sulmuesi francez.

Ben Yedder kësisoj e ka pranuar madhështinë e yllit argjentinas Lionel Messi.

Ky postim i ish-anëtarit të Toulouses është shpërndarë jashtëzakonisht shumë nëpër faqe të ndryshme të futbollit në rrjetet sociale.

Përveç tre golave në këtë takim, Messi arriti të asistoj edhe në golin e katërt për skuadrën e tij të shënuar nga Luis Suarez. /Telegrafi/

COMMENTS