Drejtori në ekzekutivin e Imri  Ahmetit, kërcënon gazetarin e “Kohës Ditore”

Drejtori në ekzekutivin e Imri Ahmetit, kërcënon gazetarin e “Kohës Ditore”

LAJMI I FUNDIT: Rashit Qalaj, Drejtor i ri i Policisë së Kosovës

Në komunën që drejtohet nga Imri Ahemti, ka nisur një metodë e re për “mbylljen e gojës” së gazetarit. Kërcënimi me qëllim frikësimi. Kjo ka ndodhur me gazetarin e ‘’Kohës Ditore’’ Agim Ademi, i cili kohë më parë është kërcënuar prej Avni Ollurit, njëri nga drejtorët e ekzekutivit të Imri Ahmetit. Në lidhje me këtë ka reagur edhe Asociacioni i Gazetarëve të Kosovës, i cili ndër të tjera inkurajon gazetarët që të mos zbrapsen nga kërcënime të tilla.

Ja reagimi i plotë i AGK-së:

REAGIM: AGK DËNON KËRCËNIMIN NDAJ GAZETARIT AGIM ADEMI NGA ZYRTARI KOMUNAL I LIPJANIT

Prishtine 02.12.2018: Asociacioni i Gazetarëve të Kosovës e dënon kërcënimin dhe gjuhën banale të zyrtarit Avni Olluri, drejtor i Administratës në Komunën e Lipjanit, ndaj gazetarit të “Kohës Ditore”, Agim Ademi.

AGK me shqetësim e ka pranuar një incizim telefonik në të cilin Olluri e kërcënon gazetarin duke i kërkuar të mos merret me të.

“Unë po të tregoj: mos u merrni me mua se nuk ja kom borxh askujt karrierën politike dhe ta keni të qartë këtë punë. Por dije se nëse vjen puna unë e heq kollaj kravatën dhe jap dorëheqje. E pastaj merrna me ty dhe ta zë rrugën”, i ka thënë Olluri gazetarit Ademi nëpërmjet telefonit.

Sipas Ademit, zyrtarët komunalë të Lipjanit, disa herë i kanë bërë presione dhe shantazhe me qëllim të zbrapsjes nga shkrimet për qeverisjen lokale.

Në telefonatën që ia ka bërë gazetarit, Olluri ka përdorur edhe gjuhë banale e denigruese.

AGK e dënon kërcënimin dhe gjuhën e zyrtarit komunal ndaj gazetarit dhe e fton Ollurin të distancohet nga kjo qasje ndaj Ademit dhe t’i kërkojë falje publike.

AGK e fton Ollurin, që në rast se ka pretendime ndaj shkrimeve të realizuara nga Ademi, t’i ndjek rrugët ligjore dhe assesi të mos përdorë gjuhë kërcënuese, banale e denigruese ndaj gazetarit.

Asociacioni i Gazetarëve të Kosovës inkurajon gazetarët që të mos zbrapsen nga kërcënimet e tilla ndersa rastet e pengimit në punën e tyre profesionale t’i lajmërojnë në polici dhe në Asociacionin e Gazetarëve të Kosovës.

Asociacioni i Gazetarëve të Kosovës
Association of Journalists of Kosovo
Rr./Str.: Luan Haradinaj 100/10
10000 Prishtine/Pristina
Kosovo

Email: [email protected]
Web: www.agk-ks.org

COMMENTS