Finalja e Ligës së Evropës mund të ofrojë përballje shqiptarësh

Finalja e Ligës së Evropës mund të ofrojë përballje shqiptarësh

Tifozët shkatërrojnë stadiumin e botërorit

Përballje shqiptarësh mund të ketë në finale të Ligës së Evropës për edicionin 2017\18. Pasi të enjten mbrëma u luajtën ndeshjet e dyta çerekfinale, të premten është hedhur shorti për fazën gjysmëfinale.

Kampioni i Austrisë, Red Bull Salzburgu, takohet në gjysmëfinale me Marseillen e Francës, ndërsa gjysmëfinalja tjetër është ndërmjet Arsenalit dhe Atletico Madridit, shkruan sot Koha Ditore.

Lider i mesfushës së Salzburgut është Valon Berisha, ndërsa për Arsenalin paraqiten Granit Xhaka në mesfushë e Shkodran Mustafi në mbrojtje. Dueli i Berishës me Xhakën e Mustafin është i mundur vetëm në finale.

Salzburgu ka pasur një rrugëtim ëndrrash në këtë edicion të Ligës së Evropës. Në fazën e plejofit eliminoi Viitorul Constantan, para se të fitonte grupin ku ishin edhe Marseille, Konyaspori e Vitoria Guimaraes. Ndaj Marseilles pati një fitore e një barazim. Në fazën nokaut eliminoi rresht skuadrat si Real Sociedad, Borussia Dortmund e Lazio. Ndaj Lazios, më 5 prill humbi ndeshjen e parë të luajtur në Romë me shifrat 4:2.

Ndonëse humbja ishte e lartë, Berisha ishte shprehur i bindur se Salzburgu mund të kalojë në gjysmëfinale. Ai pati rol të madh te Salzburgu të enjten në Austri, në fitoren 4:1 ndaj Lazios, që i mundësoi avancimin tutje.(Më gjerësisht mund të lexoni sot në Koha Ditore).

COMMENTS