Kjo është mjekja e QKMF-së së Lipjanit që e rekomandoi pacientin e parë me koronavirus

Kjo është mjekja e QKMF-së së Lipjanit që e rekomandoi pacientin e parë me koronavirus

Luka Modriç, ylli i Realit të Madridit mesazh për 13 vjeçaren shqiptare me skoliozë

Është testuar negative Dr. Teuta Haziri me koronavirus, pasi ajo e kishte rekomanduar për në Klinikën Infektive personin e parë me Covid-19 nga komuna e Lipjanit.

Një udhëtar që erdhi nga Berlini më 11 mars në Janjevë të Lipjanit, doli pozitiv me koronavirus rreth 1 javë më vonë. Por para se të kryente testin ai ishte kontrolluar dy herë nga Dr. Teuta Haziri dhe mjekë të tjerë të QKMF-së, shkruan Gazeta Shneta. Haziri, specializante e Alergologjisë me Imunologji, e kishte referuar për në Klinikën Infektive në QKUK pas dyshimeve që kishte për koronavirus. Por testi nuk i ishte kryer dhe mjekët në Infektivë e kishin rekomanduar pacientin të qëndronte në vetizolim.

Ai sërish kishte lëvizur e madje ishte vizituar edhe nga mjekë të tjerë të QKMF-së në Lipjan, për të përfunduar sërish tek doktoresha Teutë e cila e udhëzon sërish për në Infektivë pasi pacienti kishte shfaqur shenja klinike.

“Herën e dytë kur e kam udhëzu për në Klinikën Infektive ai ka dal pozitiv”, ka treguar doktoresha.

Ajo ka thënë se i ka bërë 12 ditë që nga kontakti me këtë person, ndërsa sot ka rezultuar negativ në testin për Covid-19.

Ndërkohë edhe punëtorë të tjerë shëndetësorë nga ky institucion sot kanë rezultuar negativ.

Kujtojmë se deri më tani në Kosovë janë konfirmuar pozitiv 71 persona.

COMMENTS