Kuvendarët debatojnë, kriza e ujit në Lipjan vazhdon

Kuvendarët debatojnë, kriza e ujit në Lipjan vazhdon

Qytetari nga Lipjani akuzon Policinë për dhunë fizike (VIDEO-DOKUMENT)

Kuvendi Komunal në Lipjan ka debatuar për telashet me furnizim të ujit të pijshëm në qytet dhe fshatra përreth. Këshilltarët e KK-së kritikuan institucionet përkatëse derisa qyteti i Lipjanit prej kohësh po përballet me mungesë të ujit të pijshëm.

Kryetari i kësaj komune, Imri Ahmeti, ka thënë se me një gjendje të tillë Lipjani do të përballet edhe gjatë vjetëve të ardhshëm, derisa Kompania Ujësjellësi Rajonal “Prishtina” nuk po i jep llogari Komunës për mungesë të ujit, shkruan sot Koha Ditore.

Albulena Kelmendi, këshilltare nga radhët e Lëvizjes Vetëvendosje, ka thënë se qytetarët e Lipjanit po vazhdojnë të përballen me mungesë të ujit të pijshëm, ndërkohë Komuna nuk po angazhohej rreth kësaj çështjeje. Sipas saj, para disa muajsh Komuna e pati formuar një ekip punues për t’i bërë disa inspektime në terren, mirëpo deri tashti nuk e ka sjellë ndonjë raport se ku qëndron problemi i mungesës së ujit të pijshëm.

“Çështja e parë ka të bëjë me problemin e ujit të pijshëm në Komunën e Lipjanit, i cili mbetet problem permanent për të cilën siç duket nuk është se po angazhohet ekzekutivi aq sa duhet. Mbase, kryetari i Lipjanit nuk e përjeton këtë problem meqë nuk është banor i Lipjanit. Ndërtesat e reja dhe katet e larta të tyre furnizohen me ujë vetëm nga dy orë në ditë, e nganjëherë fare. Ndërsa fshatrat ballafaqohen me mungesë sistematike të ujit, gjë që e vështirëson tej mase jetën e tyre. Kjo është një çështje që ne e kemi ngritur tash e një vit e gjysmë, mirëpo akoma asnjë hap e asnjë përmirësim”, ka kritikuar Kelmendi.

COMMENTS