‘Marrëveshja historike’, Beogradi nuk ka ide se çka përfshin ky dokument

‘Marrëveshja historike’, Beogradi nuk ka ide se çka përfshin ky dokument

Pas çarjeve të thelluara në Vetëvendosje, Molliqaj i shkon në shtëpi Shpend Ahmetit (Video)

Lidhur me marrëveshjen e detyrueshme ligjore me Prishtinën, drejtori i Zyrës për Kosovë, Marko Gjuriq ka thënë se Beogradi nuk ka ide se çfarë lloj skicimi duhet të ketë në një dokument të tillë.
Gjatë një interviste për ‘Standard’ të Vienës, ai ka shtuar se nuk mund as të parashikojë se çfarë nënkupton Bashkimi Evropian me këtë dokument.

“Është e qartë se BE nuk bën asgjë të qartë mbi çështjen e shpalljes së njëanshme të pavarësisë së Kosovës, siç mund të shihet nga Strategjia e Zgjerimit për Ballkanin Perëndimor. Pavarësisht nga të gjitha mendimet e BE-së mbi këtë temë, nuk ka dyshim se duhet të gjendet një zgjidhje e qëndrueshme për stabilitetin e kësaj pjese të Evropës”, ka thënë Gjuriq, transmeton lajmi.net.

Gjuriq ka rikujtuar se në Serbi tashmë ka nisur dialogu i brendshëm për Kosovën, ku janë të përfshirë qindra ekspertë nga të gjitha fushat.

‘Standard’ thotë se ‘marrëveshja historike’ e cila gjoja se do t’i zgjidhë të gjitha çështjet e diskutueshme ndërmjet Beogradit dhe Prishtinës duhet të arrihet deri në fund të vitit të ardhshëm, kohë kjo që përkon me përfundimin e mandatit të Komisionit Evropian.

Përfaqësuesja e Lartë e BE për Punët e Jashtme dhe Politikën e Sigurisë, Frederica Mogherini ka thënë pak kohë më parë se ajo ka parë vendosmëri si në Beograd ashtu dhe në Prishtinë, që marrëveshja të nënshkruhet vitin që vjen.

COMMENTS