Pse PDK dega në Lipjan ka nevojë për unifikim dhe për kryetar poashtu unifikues të degës?

Pse PDK dega në Lipjan ka nevojë për unifikim dhe për kryetar poashtu unifikues të degës?

Fluturimi i Valon Sylës në kazan !…

Shkruan: Arian Hasani

Procesi i zgjedhjeve në degën e PDK-së në Lipjan po zhvillohet me një dinamikë shumë pozitive me një pjesëmarrje masive dhe gjithëpërfshirëse të qytetarëve.

Por çka duhet në fazën e fundit të zgjedhjeve në degen e PDK-së Lipjan:

1. Bashkëpunim dhe unitet të anëtarësisë, 
2. Zgjedhje e cilësisë dhe profesionalizmit, 
3. Vazhdim i dëshmisë së kulturës demokratike, 
4. Kandidat të perbashkët ( unifikues) për kryetar dege.

Krejt keto elemente do të fuqizonin degën dhe do të ishte një shpresë e madhe për të rritur besimin në elektorat.

Dega e PDK-së në Lipjan ka rastin jetik për të bërë hapin e madh, e ka rastin ideal për të ofruar afër masivitetin e elektoratit, ka mundësinë jetësore për të bërë revolucionin brenda degës me të cilin do të kishte kuptim Dekada e Re.

PDK- dega në Lipjan e ka obligim të jetë e bashkuar, e konsoliduar, e fuqishme, fituese sepse ia ka borgj qytetarëve, i detyrohet fitoreve të mëdha e të njëpasnjëshme, i arsyetohet pushtetit, punës dhe investimeve që i dha Lipjanit dhe qytetarëve, i përgjigjet akuzave dhe goditjeve të kundërshtarëve politik.

Dhe për fund, sigurisht Lipjani dhe qytetarët kanë nevojë për fuqizimin e PDK-së, kanë nevojë për një adresë të sigurtë politike, për një Kryetar të fuqishëm që ka mbështetjen e të gjitha figurave të PDK-së në Lipjan, Kryetar unifikues dhe bashkëpunues.

COMMENTS