Rriten remitencat e kosovarëve

Euro_500me-hekra-780x439

Paratë e dërguara nga diaspora në Kosovë deri në muajin shkurt, janë rritur në 5.6% nga viti në vit, që i bie të jenë 50.7 milionë euro.

 

Kështu janë të dhënat në raportin e fundit të lëshuar nga banka qendrore, njofton Klan Kosova.

Kosovarët e jashtëm zakonisht zgjedhin që operatorët e transferimit të parave të jenë miqtë apo të afërmit e shtëpisë.

Hyrja e dërgesave të emigrantëve të huaj në Kosovë është rritur në 691 milionë euro në vitin 2016, krahasuar me 665.5 milionë euro në vitin 2015.

Nga kosovarët që jetojnë në Gjermani u dërguan gjithsej 148.4 milionë euro dhe 90.5 milionë euro nga ata që jetojnë në Zvicër.

Në regjistrimet më të fundit thuhet se Kosova kishte një popullsi prej 1.77 milion banorë në vitin 2015.

Ndërkaq sipas informacioneve të fundit zyrtare të disponueshme, më shumë se 700,000 kosovarë jetonin jashtë vendit në 2014, me 35% të tyre që banonin në Gjermani. /Telegrafi/

Të ngjashme

By