Turbullohen bursat, 161 miliarderë më pak në Kinë

Turbullohen bursat, 161 miliarderë më pak në Kinë

Qytet shqiptar… por duket sikur po hyn në Bagdad!

Turbullirat gjatë kohëve të fundit në bursën e Kinës kanë dhënë një goditje në rangjet e super të pasurve të vendit. Sipas firmës “Hurun Report” e specializuar në përllogaritjen e pasurive, vitin e kaluar në Kinë, përfshirë këtu Tajvanin dhe Hong Kong-un, kishte 161 miliarderë më pak.

Ulja e numrit të miliarderëve në Kinë erdhi si pasojë e një rënieje në bursë me vlerën 25%, si edhe një rënieje e valutës së vendit. Kështu u shpreh firma “Hurun Report” ndërsa botoi Listën Botërore të të Pasurve.

Tregjet financiare kineze u tronditën në vitin 2018 kryesisht nga lufta tregtare dëmtuese me Shtetet e Bashkuara si dhe prej frikës së shkaktuar nga rritja ekonomike që po ngadalësohej.

Sipas analistëve pritet që rritja ekonomike të përmirësohet gjatë këtij viti. Numri i miliarderëve kinezë ra nga 819 në 658 në fund të janarit, sipas Hurun.

Pavarësisht kësaj rënieje të ndjeshme, Kina ende ka më shumë miliarderë se Shtetet e Bashkuara. Nga ana tjetër sipas Hurun, në Shtetet e Bashkuara numri i miliarderëve u rrit me 13, duke e çuar atë në 584.

COMMENTS